Ora sengaja wektu nyong mbukak komputer golet
foto-foto sing ndisik, aku nemu foto-foto kiye. Dadi kelingan wektu semana
kameraku di silih nang mas guru (Mas Bekti) jere arep nggo moto group kentongan
SD sing arep tampil nang benteng. Mbuh aku ora kelingan dalam rangka apa wektu
semono ana rame-rame nang benteng van der wijk gombong. Nek ora salah acarane
di rawuhi Pejabat Negara Menteri Sosial jenenge aku kelalen mien ora apal,
hehe..
Nang gambar keton bocah-bocah SDN 1 Karanggedang nampilaken kesenian Kenthongan Group
Lawet Merah. Jan maen temen SD duwe group kentongan kaya kuwe, kreatif temen
gurune. Mien jamanku SD urung ana kaya kuwe. Boro-boro kentongan, Pramuka be
ora ana.
Tak sawang-sawang aku mandan paham karo
bocah-bocahe sing foto, dadi mandan pengin ngguyu mien bocahe esih SD isih
cilik-cilik, siki wis pada SMP keton mandan beda. Tapi aku krungu-krungu kabar
jere group kenthongane wis mandeg. Mbuh apa gurune wis ora ana apa bocahe sing
pada ora karep di latih. Tapi ya sing jelas sayang banget group Kenthongan
Lawet Merah wis bubar. Sing donge bisa nggo nguri-nguri kesenian tradisional.
Wektu semana group lawet merah sering diundang kon iring-iring khataman. Sayang
siki wis bubar, sing esih ya kur kenangane foto-foto kiye sedulur, monggoh
dipirsani.
Posting Komentar